ntdll.com شغال هاليومين على الدومين
جالس اضبط مساحه جديده للمدونه عشان اقدر اخذ راحتي بالكتابة ورفع ملفاتي الخاصه بالمدونه ومشاركتها معكم فا للاسف هاليومين اللي  انا راح اشتغل فيها على المدونه دوميني الخاص اللي عرفتوه ماراح يكون متوفر هاليومين بس لا تنسون تحفظونه بالمفضله عندكم لانه راح يرجع للعمل خلال عطلة هالاسبوع اذا ماواجهتني ان شاءالله اي مشكله فا دعواتكم لي بالتوفيق

——–
تحياتي للجميع
SYSTEM ANALYZER

امم  وانا جالس اسولف مع واحد من الشباب يدرس في اليابان امس كنت احوس بجهازي شوي مركب سيرفر صغير بجهازي عشان اذا بغيت اعطي واحد من الشباب ملف ولا حاجه اخليه يدخل ويسحبه بدل ماقعد ارسله عن طريق الماسنجر او اي برنامج محادثه ثاني وينقطع الاتصال كل شوي خصوصا اذا الملف حجمه كبير شوي المهم وانا جالس  اظيف شي بالسيرفر فجاءه وقف النظام عن الاستجابه وطلعت لي شاشه زرقاء ؟؟؟؟؟؟
ntfs.sys وفيها كلام زبدته ان المشكله سببها هو الملف
طبعا مو معقول هالكلام الملف هذا ملف خاص بالنظام يعني لو فيه مشكله ماشتغل النظام من اساسه وطبعا انا مضبط اعدادات الجهاز انه اذا صار كراش وطلعت شاشه زرقاء يخزن محتوي الذاكره الخاص بالكيرنل لان الكراش والشاشه الزرقاء ماتصير من الاساس الا اذا فيه شي غلط صاير على مستوى الكيرنل و 70 بالميه السبب هو درايفر تم تركيبه على جهازك والدرايفر هذا فيه مشكله المهم تم حفظ نسخه من الذاكره بالجهاز وتمت اعادت التشغيل بنجاح وبعد كذا قمت سحبت الملف عشان اسوي له دي بق واشوف سبب هالمشكله لانه شبهه مستحيل ان ملف النظام اللي ذكر برساله الشاشه الزرقاء
naiavf5x.sys  هو سبب الكراش وبعد التدقيق الحمدالله اكتشفت ان المشكله هو ملف اسمه
 وهو ملف درايفر خاص بالانتي فايروس مكافي انتربرايز 8 وهاذي صورة من عملية الدي بق وحاط دائره حمرا على الملف نفسه 

زبده الكلام السابق انه الشاشه الزرقاء في الويندوز بشكل عام ماتحدث الا اذا صار شي على مستوى الكيرنل يعني ماراح يسوي كراش كذا بدون سبب البرامج اللي تركب درايفرز بجهازك مثل بعض برامج الانتي فايروس او تعاريف كرت الصوت او الشاشه او المودم كلها بسبب انها تشتغل على مستوى الكيرنل اذا فيها مشكله برمجيه راح تسبب لك مشكله بالنظام وخصوصا ظهور الشاشه الزرقاء باستمرار وبدون اي مقدمات يعني اذا جهازك تحافظ على تحديثه بشكل مستمر وتعاريف القطع عندك بالجهاز تحدثها بشكل مستمر انا ضمن لك تعيش مرتاح وبدون ماتشوف شاشه زرقاء ويمكن تشوفها في السنه مره انا عن نفسي من استخدمت الويندوز اكس بي الى الان يعني تقريبا خمس سنوات ماشفت الشاشه الزرقاء الا تقريبا 4 مرات مع العلم اني من الناس اللي ما يطفي جهازه يعني جهازي شغال 24 ساعه اعيد تشغيله بس وقت ماركب تحديث ويتطلب اعاده تشغيل فقط وماشي مع زي الحلاوة فا يعني يا ناس يا عالم الويندوز مايسوي كراش كذا من راسه اخر الاحصاءات اللي سوتها مايكروسوفت تقول ان 70 بالميه من عمليات الشاشه الزرقاء سببها تعاريف من شركات ثانيه و 15 بالميه سببها هاردوير يعني مشكله باحدى القطع عندك بالجهاز و 5 بالميه يكون السبب من شركة مايكروسوفت
و 5 بالميه كان السبب غير معروف  بسبب ان الذاكره كانت تظهر نتيجه غير مقروئه وصدقوني اكاد اجزم مو 70 بالميه من الكراش الا 99.99 بالميه من عمليات الشاشه الزرقاء هو مشكله باحد الدرايفز المركبه عندك بالجهاااز لانه تخيل سنويا تقريبا يظهر حوالي 55 الف درايفر للويندوز وبعض الشركات او الناس غير مؤهل انه يسوي درايفر على مستوى الكيرنل الخاصه بالنظام وعشان كذا مايكروسوفت قررت بالويندوز فيستا انها تحمي قلب النظام وتقلل من عملية ظهور الشاشه الزرقاء وذلك بجعل تعريف الصوت والشاشه يشتغلون على مستوى المستخدم بدل من انها تشتغل على مستوى الكيرنل وبالتالي لو صار لها كراش ماراح تظهر لك الشاشه الزرقاء ويظل نظامك شغال لانه اكثر مشاكل درايفزر تتسبب في ظهور الشاشه الزرقاء هي تعاريف كروت الشاشه والصوت وفي الختام اتمنى ان الكلام اللي قلته ذو فائده لكم ومن كان عنده سؤال لا يرده الا كيبورده

Security researchers published on Wednesday the details of a flaw in Apple’s Airport wireless driver, kicking off a plan to release a software bug in the core system code, or kernel, of major operating systems every day throughout the month of November.

The Month of Kernel Bugs is the brainchild of a security researcher and contributor to the Metasploit Project who uses the moniker “L.M.H.” The initiative resembles another kicked off by Metasploit’s founder, HD Moore, that publicized a browser flaw every day last July.The researcher also asked other flaw finders last week to contribute any interesting vulnerabilities to the Month of Kernel Bugs. The flaw in Apple’s Airport driver posted this week was found by HD Moore, according to an advisory about the flaw.

L.M.H. used the event to chastise critics of two researchers, David Maynor and Jon Ellch, who were castigated by many Apple users for claiming during a Black Hat presentation that they had found flaws in wireless drivers, including Apple’s wireless drivers.

“With all the hype and buzz about the now infamous Apple wireless device driver bugs–brought to attention at Black Hat by Johnny Cache and David Maynor, covered up and FUD’ed by others–hopefully this will bring some light–better said, proof–about the existence of such flaws in the Airport device drivers,” L.M.H. stated on the Month of Kernel Bug’s site.

Many of the flaws found by L.M.H. come from using a data mangling, or fuzzing, tool known as fsfuzzer. Characterized as a rudimentary fuzzer by one researcher, the software creates a file system filled with random data. Subjecting an operating system’s kernel to various permutations of the data in many cases causes crashes, which may be able to be exploited.

 Source: SecurityFocus.com

APC تقول مصادر مجله
بان مايكروسوفت راح تصدر مايكروسوفت ويندوز فيستا واوفيس 2007
رسميا بيوم 30 نوفمبر من هذا العام لعملائها من الشركات
وراح يتم اصدار بقية نسخ الويندوز فيستا واوفيس 2007 لبقية انحاء العالم
من المستخدمين بالمنازل بتاريخ
January 30, 2007
—
لقراءة المزيد عن هذا الخبر اضغط هنا

 jcxp.net امم اليوم وانا اتصفح موقع
لقيتهم كاتبين هالخبر واللي يتكلم عن شكل العلبة والسي دي للويندوز فيستا
طبعا اقصد يتكلمون عن التصميم الخاص فيها وبصراحه يوم شفت الصورة
اعجبني مررره يعني تصميم ذووق وراايق جدااا
وهذا شكل العلبه والسي دي الخاص بويندوز فيستا التميت ادشن

والحكم لكم اكيد وش رايكم في التصميم

انقطعنا شوي بمناسبه العيد وبمناسبه الشغل بعد والكرف
فا فوتنا كذا شغله خلال هالاسبوع وجايبها لكم اليوم مره وحده
وهي البرامج اللي تم اصدارها بشكل رسمي من مايكروسوفت
اولا
Windows Defender Final 32-Bit
وهو الاصدار الرسمي من ويندوز دفندر اللي يحميك من ملفات التجسس
وهو طبعا مجاني
—
ثانيا
Windows Desktop Search 3.0
وبواسطته يسهل ويسرع عملية البحث عن الملفات في جهازك وانا انصح باستخدامه
للناس اللي عندهم ملفااااااات كثيره بالجهاز مثلي
من جد يفك ازمه
—
ثالثا
Windows Media Player 11 Final
النسخه الجديده والنهائيه من البرنامج ويندوز ميديا بلاير انصحكم بترقية النسخه
الموجوده عندكم … بسبب ان ادائه افضل كا برنامج وتصميمه احلى من السابق بكثير
—
واما بالنسبه للبرامج التجريبيه اللي نزلت خلال هالاسبوع
Windows Live Messenger 8.1 Beta 2
النسخه الجديده من مايكروسوفت ويندوز لايف ماسنجر الى الان مازالت نسخه تجريبيه
بس مايمنع ان الواحد يجربها لانه فيه تحسينات وتعديلات اكثر من النسخه السابقه 8
واللي حاب يعرف تفاصيل جديد هالنسخه
يضغط على اللنك التالي
Windows Live Messenger Team Blog
—
وسلامتكم
SYSTEM ANALYZER

اسال الله العلي القدير ان يتقبل منا صيامنا وقيامنا

وكل عام وانتم بالف خير

—-

SYSTEM ANALYZER

بعد ماردت مايكروسوفت على هالثغره اللي تم اكتشافها بالمتصفح انترنت اكسبلور7 بانها ثغره تخص الاوت لوك اكسبرس ردت مره ثانيه الشركه اللي اكتشفت الثغره وقالت لاء معصي يامايكروسوفت الثغره بالامكان تطبيقها على المتصفح انترنت اكسبلورر7 وعندكم مشكله لازم تشوفون لها حل .. انا قمت وجربت هالثغره بجهازي ويندوز اكس بي سيرفس باك2 ومركب عليه المتصفح انترنت اكسبلورر7 وتم استغلال الثغره بنجاح بينما في الويندوز فيستا فشل تطبيق الثغره فا قمت وسويت ازالة للاوت لوك اكسبرس من الجهاز بالويندوز اكس بي وجربت تطبيق الثغره وتم استغلال الثغره بنجاح يعني فعلا فيه مشكله اكبر و مشتركه بين الاوت لوك اكسبرس والمتصفح ومايكروسوفت مازالت تشوف امكانيه اصلاح هالثغره وانزال باتش خاصه لسد هالثغره — لانه بصراحه النجاح بتطبيق هالثغره يمكن الهاكر من الحصول على معلومات قيمه يعني لو انت داخل على حسابك البنكي اون لاين وبعدين دخلت على صفحه تستغل هالثغره باامكان الهاكر الحصول على معلومات حساسه من حسابك البنكي الخاص

Address Redirection طبعا الثغره للي حاب يعرف وش اسمها هي 
وفكرتها عمل اعاده توجيه للمتصفح عند الدخول على صفحه تطبق هالثغره وجعل المتصفح يقراء صفحه ثانيه من اختيار الهاكر وبالتالي الاستفاده من المعلومات الموجوده بهالصفحه 

ياساتر تو المتصفح ماكمل 24 ساعه نازل ياناس طلع له ثغره امنيه تم اكتشافها
وهالثغره مستواها ماهو خطير مجرد انه في حاله تطبيقها بشكل صحيح
بامكان الهاكر الحصول على معلومات من نظامك مثل قراءة الكاش حق المتصفح
يعني ماتعطيه اكسس للدخول والتحكم على نظامك

وخصوصا انه هالثغره سبق وان اكتشفت بالمتصفح انترنت اكسبلورر6
تقوم نفس الثغره تطلع بالمتصفح الجديد والله قويه يا مايكروسوفت

—-
طبعا الثغره تنطبق فقط على الانترنت اكسبلورر7 الخاص بالويندوز اكس بي سيرفس باك2
وهذا لنك للي حاب يعرف تفاصيل اكثر عن هالثغره
اضغط هنا
طبعا من خلال الصفحه هاذي بامكانك حتى تجربه تطبيق الثغره على جهازك وراح يقولك
اذا تم تطبيقها بنجاح ام لاء ولا تخافون الموقع ثقه يعني بامكانك اجراء الاختبار وانت مطمن

فقط اضغط على كلمة
Test Now – Left Click On This Link
وانتظر وراح يعطيك النتيجه

———————-
تحديث هام جدا
مركز السيكيوريتي بشركة مايكروسوفت استجاب لهالخبر
وقال الثغره هاذي نصبه وكلام فاضي ماهي بالمتصفح انترنت اكسبلورر7
الثغره هاذي باحد محتويات مايكروسوفت اوت لوك اكسبرس الموجود بنظام الويندوز اكس بي
للاهميه جرى التنبيه
مصدر
Information on Reports of IE 7 Vulnerability

اعلنت شركه مايكروسوفت انها راح تطرح مايكروسوفت ويندوز فيستا
واوفيس 2007 رسميا باجتماع ويندوز كونيكشنز 2006
واللي راح يبداء بيوم 6 وينتهي بيوم 9 نوفمبر 

—
هذا ماوصلني لحد الان واذا فيه جديد راح اكتبه اكيد